بسم الله الرحمن الرحيم
مبدئيا انا بعتذر لكل الاعضاء عن الغياب و الدخول المتقطع بسبب الامتحانات وبعد الامتحانات وقعت علي ايدي ومكنتش بعرف اكتب ولا اعمل اية حاجة والحمد لله دلوقتي بقيت تمام المهم ..
عاوزين نعمل موضوع تقييم شامل للعربية ( من الملاك فقط ) واي عضو طبعا يشرفنا بالمشاركة لاكن يكتب انة غير مالك للسيارة عشان الناس متتلخبطش و الملاك فقط الي ليهم حق تقييم السيارة في الاخر ويدوها مثلا 5/10 او 6/10 وهكذا ..
هنبدء كل يوم بجزء معين في العربية يعني النهاردة هنتكلم عن اهم جزء وهوة المحرك بكة هيبقي مثلا العفشة بعدة التكييف وهكذا
انا هبدء بنفسي ..
المحرك طبعا كلنا عارفين G_Power 1500 cc بقدرة 107 حصان تقريبا وبعزم 140 نيوتن دة كلام الورق ..
نيجي بقي لارض الواقع
المحرك السحب في البداية مش قوي يعني ياخد 5/10 بعد عدد لفات 2500 لفة في الدقيقة بيكون العزم كويس جدا وياخد 8/10 ودة بفضل خاصية ال cvvt الموجودة في المحرك وتقييمي الشخصي للمحرك انة كويس مش قوي اوي ولا ضعيف اوي هوة متوسط وكنت افضل يكون 1600 سي سي بس برضو ال 1500 مش وحش وسحب العربية في الاول ضعيف و الثاني قوي و الثالث و الرابع قوي جدا و الخامس قبل سرعة 110 بيكون ضعيف اوي اوي اوي بعد سرعة 110 او بمعني اصح بعد عدد لفات اكتر من 2500 لفة بيكون سحبة جيد
سحب الاول 3/10
الثاني 5/10
الثالث 8/10
الرابع 8/10
الخامس 6/10
دة تقييمي للمحرك وفي انتظار تقييم باقي الملاك وبكرة ان شاء الله تقييم اخر لجزء اخر في السيارة